Il-Ministeru għall-Edukazzjoni, l-Isport, iż-Żgħażagħ, ir-Riċerka u l-Innovazzjoni (MEYR) jixtieq jiġbed l-attenzjoni tal-applikanti interessati li l-ebda forma t'abbuż fuq it-tfal m'huwa tollerat. Fil-proċess tar-reklutaġġ, l-MEYR jimxi mal-Liġi Sussidjarja 327.546 (Regolamenti tal-2016 dwar ir-Reklutaġġ, Taħriġ Inizjali u Żvilupp Professjonali Kontinwu u Protezzjoni ta' Minorenni fl-Edukazzjoni Obbligatorja).

1.1. Is-Segretarju Permanenti, Ministeru għall-Edukazzjoni, l-Isport, iż-Żgħażagħ, ir-Riċerka u l-Innovazzjoni jilqa’ applikazzjonijiet għall-post ta’ Għalliem biex jgħallem prinċipalment il-Malti bħala l-ewwel lingwa u l-Ingliż bħala t-tieni lingwa lil studenti fl-Iskola Ewropea f'Lussemburgu jew Brussell, għal din is-sena skolastika.

1.2. Dan l-ingaġġ ser ikun fuq bażi ta’ sekondment skont ir-“Regulations for Members of the Seconded Staff of the European School” Ref: 2011-04-D-14-en-21, li jista’ jiġi aċċessat fuq https://www.eursc.eu/BasicTexts/2011-04-D-14-en-21.pdf

2.1. Is-salarju għall-post ta’ għalliem huwa marbut mal-iskala sustantiva tal-kandidat li jintgħażel, jekk ikun uffiċjal pubbliku jew inkella mal-Iskala ta’ Salarju pertinenti li jibda minn Skala ta' Salarju 8 li fl-2025 huwa, ta’ €28,792.02 fis-sena, li jiżdied b’€486.83 fis-sena sa massimu ta’ €31,713.00, jekk il-kandidat magħżul ma jkunx uffiċjal pubbliku.

2.2. Is-salarju bażiku tal-kandidat magħżul ikun supplimentat b’pakkett ta’ rimunerazzjoni, li jinkludu household allowance, spouse’s income allowance (jekk applikabbli), dependent child allowances, education allowances, expatriation allowance, daily subsistence allowance, installation allowance, u resettlement allowance. Dan ilpakkett jinkludi wkoll, rimborż tan-nefqa tal-ispejjes tal-vjaġġ u l-ispejjes tal-ġarr. Id-dettalji tal-allowances u rrimborż tan-nefqa tal-ispejjes jistgħu jinkisbu mis-sit elettroniku tal-Iskejjel Ewropej https://www.eursc.eu/BasicTexts/2011-04-D-14-en-21.pdf (Dokument uffiċjali jista' jiġi aġġornat). Aktar dettalji fuq il-kundizzjonijiet tax-xogħol, fosthom il-btajjel, il-leave, u l-bqija jistgħu jinkisbu mis-sorsi msemmija f’dan il-paragrafu.

2.3. Il-ħatra, li tkun bi prova għal sena għal persuni li jintagħżlu u mhumiex uffiċjali pubbliċl, hija full-time u taqa’ taħt ir-regoli u r-regolamenti li jkunu fis-seħħ minn żmien għal żmien fis-Servizz Pubbliku ta’ Malta, kif ukoll regolamenti li jkunu fis-seħħ fil-MEYR u tinvolvi li persuna tista’ tiġi trasferita skont l-esiġenzi tas-Servizz Pubbliku ta’ Malta.

2.4. Il-persuna magħżula tidħol f’ħidma ta’ sentejn (2) sabiex isservi bħala Għalliem/a fl-imsemmija skola, liema perjodu jista jiġġedded għal perjodu ta’ tliet (3) snin, li jista’ jiġġedded għal perjodu ieħor ta’ erba’ (4) snin. Ilħidma tkun bi prova għal perjodu ta’ sentejn (2). Il-perjodu totali ta' sekondar ta' membru tat-tagħlim ma jistax ikun aktar minn disa' (9) snin, ħlief minkejja dispożizzjonijiet nazzjonali, f'każ speċjali, debitament speċifikat, fuq talba tad-Direttur jew fuq talba tal-awtorità li tissekonda estensjoni, sa perjodu massimu ta’ tliet (3) snin oħra jistgħu jingħataw. Is-sekondar jista’ jiġi tterminat fi kwalunkwe żmien għal raġuni valida mid-deċiżjoni tal-bord konjuntiv tal-Ispetturi tal-iskejjel Ewropej skont l-arranġamenti tar-Regolamenti ta’ Implimentazzjoni.

2.5. Il-pakkett imsemmi f’paragrafu 2.2 huwa strettament marbut mat-twettiq tad-dmirijiet ta’ Għalliem/a fl-Iskola Ewropea, liema pakkett ma jibqax jitħallas hekk kif il-ħidma tal-persuna magħżula tispiċċa jew tiġi tterminata. 

2.6. Jekk il-persuna magħżula ma tkunx Uffiċjal Pubbliku fis-Servizz Pubbliku ta’ Malta, hi tiġi appuntata fil-grad sustantiv ta’ Għalliem/a fi ħdan MEYR u fl-istess waqt li tkun qiegħda isservi perjodu ta’ prova ta’ sentejn (2) (ara paragrafu 2.4) hija tkun meħtieġa li sservi perjodu ta’ prova ta’ sena (1) fl-imsemmi grad sustantiv. Jekk ma tiġix ikkonfermata fl-imsemmi Grad sustantiv, l-impjieg tagħha mall-MEYR kif ukoll mal-Gvern ta’ Malta jintemm. Iżda, jekk tiġi kkonfermata fil-Grad sustantiv iżda l-ħidma tagħha tispiċċa jew tiġi tterminata, hija terġa’ tassumi ddmirijiet ta’ Għalliem/a f'kulleġġ tal-istat, skont l-esiġenzi lokali tal-MEYR u tas-Servizz Pubbliku ta’ Malta.

2.7. Il-persuna magħżula tkun eliġibbli biex tapplika għal postijiet/pożizzjonijiet u tibqa’ żżomm id-drittijiet ta’ progressjoni kif stipulat fil-ftehim kollettiv għall-gradi tal-għalliema. Is-servizz mogħti fl-Iskola Ewropea, jiġi kkunsidrat bħala esperjenza ta’ tagħlim u, b’konsegwenza t’hekk, il-persuna magħżula tibqa’ żżomm id-drittijiet kollha tal-grad sustantiv tagħha.

2.8. Il-kandidati magħżula għandhom ikunu ta’ kondotta xierqa għall-post/pożizzjoni li għalih saret l-applikazzjoni. Dawk li japplikaw minn barra s-Servizz Pubbliku għandom jipproduċu Ċertifikat tal-Kondotta maħruġ mill-Uffiċċju tar-Rekords Kriminali jew awtorità kompetenti oħra mhux aktar minn sitt (6) xhur qabel id-data tal-għeluq ta’ din is-sejħa għall-applikazzjonijiet, li għandu jiġi sottomess mill-persuna magħżula fi żmien ġimgħa (1) mid-data tan-notifika tal-ħatra.

​

​

3. Id-dmirijiet għal dan il-post ta’ Għalliem jinsabu fl-Anness A mehmuż ma’ din iċ-Ċirkolari.

4.1. Sal-ħin u d-data tal-għeluq ta’ din is-sejħa għall-applikazzjonijiet, l-applikanti għandhom ikunu

Il-ħatra ta’ kandidati msemmija f’(b), (c), (d) u (e) hawn fuq teħtieġ il-ħruġ ta’ liċenzja tax-xogħol f’dawk il-każijiet fejn hija meħtieġa skont l-Att dwar l-Immigrazzjoni u leġiżlazzjoni sussidjarja. Jobsplus għandha tiġi kkonsultata skont il-ħtieġa dwar din il-materja.

ii. ikunu profiċjenti fiż-żewġ lingwi, il-Malti u l-lingliż; U

iii.

iv. Minbarra r-rekwiżiti msemmija f’4.1 (iii) hawn fuq, l-applikanti għandhom jissodisfaw ukoll dan li ġej:

(a) fil-pussess ta'Warrant ta’ Għalliem (Warrant Permanenti) skont is-sezzjoni 24 (2) tal-Att dwar l-Edukazzjoni (Kap.327); U

(b) bħalissa Għalliem; U

(ċ) ikollhom mhux inqas minn tlett (3) snin skolastiċi esperjenza ta’ tagħlim f'dawn l-aħħar sitt (6) snin bħala għalliem regolari fi skola liċenzjata li toffri edukazzjoni obbligatorja; U

(d) kienu jgħallmu f’dawn l-aħħar sentejn (2) ta’ qabel id-data tal-ħruġ ta’ din is-sejħa fi skola liċenzjata li toffri edukazzjoni obbligatorja; U

(e) minbarra fl-Ingliż u l-Malti għandhom għarfien profond tat-tieni lingwa Komunutarja. Preferibbli li l-għarfien tal-lingwa ikun  tal-post tax-xogħol ;

v. Kwalunkwe referenza għal Tagħlim/kwalifika/kors pedagoġiku msemmija f’din is-sejħa għandha titqies bħala rikonoxxuta mis-CTP skont l-artikolu 24 (2) (d) (iv) tal-Att dwar l-Edukazzjoni u tista’ tiġi aċċessata (Appendiċi A) mis-sit elettroniku: https://educationservices.gov.mt/en/vacancies/Pages/Vacancies.aspx.

*Kwalifika rikonoxxuta komparabbli ma 6, 8, 12, 16, 30, 60, 180, 240 ECTS/ECVET kretti (skond kif applikabbli), hekk kif applikabbli hija accetta biss suggett ghal dikjarazzjoni formali ta' rikonoxximent mill-MQRIC li tigi sottomessa mal-applikazzjoni.

4.2. (i) Aktar minn hekk, kandidati li għadhom ma kisbux formalment jew għadhom mhux approvati għall-kwalifika rikjesta hekk kif speċifikata fil-paragrafi 4.1 iii (a)  sa  (j) jew kif indikat f’paragrafu 3.1 tad-dispożizzjonijiet ġenerali https://publicservices.gov.mt/en/people/Documents/Recruitment_GenProvs/General%20Provisions_MT.pdf xorta jiġu kkunsidrati,  basta jibagħtu evidenza li jinsabu fl-aħħar fażi tal-kors li jwassal għall-għoti tat-tali kwalifika. Il-persuni maħtura jridu jġibu, jew ġew approvati, għat-tali kwalifika fi żmien sena mid-data tal-ħatra tagħhom.  Jekk l-iskadenza għall-kisba tal-imsemmija kwalifika ma tintlaħaqx, il-ħatra, għal din ir-raġuni, tiġi awtomatikament terminata.

(ii) Kandidati li bħalissa qed isegwu programm ta’ studju rikonoxxut f’livell tal-MQF ogħla minn dak mitlub hawn fuq jiġu kkunsidrati wkoll. Dawn il-kandidati għandhom jissottomettu evidenza li temmew b’suċċess il-kretti meħtieġa tal-ECTS/ECVET, jew ekwivalenti, u laħqu l-livell tal-MQF meħtieġ, sal-ħin u d-data tal-għeluq tas-sejħa għall-applikazzjonijiet. L-applikanti prospettivi għandhom jinnotaw ir-rekwiżit li jipproduċu dikjarazzjonijiet ta’ rikonoxximent tal-MQRIC fir-rigward tal-kwalifiki tagħhom mill-MQRIC, jew awtorita’ pertinenti oħra, kif applikabbli, skont id-dispożizzjonijiet applikabbli għal din is-sejħa għall-applikazzjonijiet (ara l-ħolqa aktar l’isfel). 

4.3. Uffiċjali Pubbliċi li għandhom grad fi klassi partikolari, u li ngħataw il-ħatra ta’ Officer in Scale permezz ta’ deċiżjoni tal-Grievances Unit fl-istess skala ta’ dak ta’ grad ogħla fl-istess klassi, huma eliġibbli li japplikaw għal gradi miftuħa għal uffiċjali li għandhom tali grad ogħla bl-istess skala ta’ dik tal-ħatra ta’ Officer in Scale.

Is-snin ta’ servizz mid-data ta’ meta ġiet effettiva l-ħatra bħala Officer in Scale jgħoddu bħala parti mis-snin ta’ servizz mitluba fis-sejħa t’applikazzjonijiet.

Kwalunkwe kriterju ieħor t’eliġibbilta’ għall-post irid jiġi sodisfatt skont din is-sejħa t’applikazzjonijiet.

4.4. Uffiċjali pubbliċi li bħalissa għandhom ħatra bħala Uffiċjal fil-Grad huma kkunsidrati fuq bażi personali li jappartjenu għall-Klassi/Stream tal-grad sostantiv immedjatament preċedenti tagħhom, u jistgħu japplikaw fuq il-bażi tal-iskala kurrenti tagħhom bħala Uffiċjal fil-Grad, li għandha tkun ekwivalenti għal, jew ogħla minn, dak li hu meħtieġ minn din is-sejħa għall-applikazzjonijiet.         
 
Is-snin ta’ servizz mid-data effettiva tal-ħatra bħala uffiċjal fil-Grad huma kkalkulati għall-iskop li jissodisfaw is-snin meħtieġa ta’ ‘servizz fil-grad’ kif stipulat fis-sejħiet għall-applikazzjonijiet. 
 
Kwalunke rekwiżit ieħor ta’ eliġibbiltà għall-post/pożizzjoni għandu jintlaħaq f’termini ta’ din is-sejħa għall-applikazzjonijiet.