3.3. L-għadd ta’ sigħat maħduma, u l-post fejn se jsir ix-xogħol, għandhom jiġu stabbiliti bejn il-kandidat magħżul u l-Investigatur Prinċipali. Il-kandidat magħżul ikun meħtieġ jaħdem bejn minimu ta’ 3 sigħat sa massimu ta’ 20 siegħa fil-ġimgħa, bl-allokazzjoni eżatta determinata mill-Investigatur Prinċipali bbażata fuq ir-rekwiżiti, l-iskadenzi u r-riżultati tal-proġett. Jekk ikunu meħtieġa sigħat addizzjonali biex jintlaħqu r-riżultati tal-proġett, dawn jistgħu jiġu miftiehma mal-Investigatur Prinċipali.

3.4. Il-Kandidat magħżul se jiġi remunerat bir-rata ta’ €42.84 fis-siegħa. Ir-remunerazzjoni tista’ titwaqqaf jekk is-servizzi mogħtija jew ix-xogħol pprovdut ma jilħaqx l-istandard meħtieġ ta’ prestazzjoni u kwalità.

3.5. Il-kandidat magħżul irid jagħmel l-arranġamenti tiegħu/tagħha biex iwettaq dawn id-dmirijiet u huwa wkoll responsabbli biex jikseb l-approvazzjoni tal-Kap tad-Dipartiment tiegħu/tagħha.

3.6  Il-kandidat magħżul għandu, matul il-perjodu kollu tal-assenjazzjoni, jiżgura li jiġi strettament evitat kwalunkwe kunflitt ta’ interess attwali, potenzjali jew perċepit fit-twettiq tad-dmirijiet, f’konformità sħiħa mad-dispożizzjonijiet applikabbli tar-Regolament Ġenerali dwar il-Protezzjoni tad-Data (GDPR) u ma’ kwalunkwe rekwiżit legali u regolatorju rilevanti ieħor.

6. Kull kwalifika u esperjenza dikjarata għandha tkun sostnuta b’ċertifikati u/jew testimonjanzi, li kopji tagħhom għandhom ikunu mehmuża mas-sottomissjoni tal-Uffiċjal. Kopji skennjati mibgħuta elettronikament huma aċċettabbli.

6.1 Iċ-ċertifikati u/jew it-testimonjanzi oriġinali jridu jintwerew waqt l-intervista mingħajr ebda eċċezzjoni.

7. Bl-eċċezzjoni ta’ dawk il-kwalifiki msemmija fil-paragrafi 7.2 u 7.3 hawn taħt, l-applikanti huma meħtieġa li jipproduċu dikjarazzjoni ta’ rikonoxximent mill-Awtorita’ Maltija għall-Edukazzjoni Avvanzata u Ogħla (MFHEA), li għandha tinkiseb billi tiġi ppreżentata “Applikazzjoni għar-Rikonoxximent tal-Kwalifiki” online fuq (https://mfhea.mt/academic-qualifications/). Din id-dikjarazzjoni għandha tkun mehmuża mal-espressjoni ta’ interess u l-oriġinali ppreżentata fl-intervista.

7.1 Qabel ma jitolbu dikjarazzjonijiet ta’ rikonoxximent skont il-paragrafu 7.1 ta’ hawn fuq fir-rigward tal-kwalifiki tagħhom, il-kandidati għandhom l-ewwel jikkonsultaw id-“Database tal-Kwalifiki ta' Malta” ta' l-MQRIC li tista’ tiġi aċċessata minn http://qualifications.ncfhe.gov.mt/#/dashboard. L-applikanti huma eżentati milli jippreżentaw dikjarazzjoni ta’ rikonoxximent kif imsemmi fil-paragrafu 7.1 jekk jippreżentaw kwalifiki elenkati f’din il-lista. Kopja ta’ din il-lista, inkluża l-kwalifika, għandha tiġi ppreżentata mill-applikant.

7.2 Mhumiex meħtieġa dikjarazzjonijiet ta’ rikonoxximent mill-MQRIC fir-rigward ta’ kwalifiki maħruġa minn istituzzjonijiet ta’ akkreditazzjoni ta’ Malta, li huma l-Università ta’ Malta, l-MCAST u l-ITS; jew kwalunkwe kwalifika Maltija li tkun ġiet akkreditata mill- MQRIC , li fuq iċ-ċertifikat tiddikjara: “L-Awtorita' Maltija għall-Edukazzjoni Avvanzata u Ogħla tqis dan iċ-ċertifikat bħala MQF ___”.

7.3 Fil-każ ta’ kwalifiki mhux koperti minn 7.2 u 7.3, l-applikanti għandhom jissottomettu d-dikjarazzjoni ta’ rikonoxximent kif deskritta fil-paragrafu 7.1. L-applikanti li ma jkollhomx tali dikjarazzjoni xorta jistgħu jissottomettu espressjoni ta’ interess, sakemm jissottomettu kopja tad-dikjarazzjoni lid-dipartiment/direttorat riċeventi hekk kif tkun disponibbli, u, fi kwalunkwe każ, sa mhux aktar tard minn erba’ (4) xhur mid-data tal-għeluq tas-sejħa għall-applikazzjonijiet. L-applikanti jistgħu jiġu vvalutati b’mod proviżorju filwaqt li jkunu għadhom qed jistennew l-ekwivalenza tal-MQRIC  tal-kwalifika/i tagħhom. Jekk ir-rapport tal-ekwivalenza jkun fin-negattiv jew ma jiġix ippreżentat fi żmien erba’ (4) xhur mid-data tal-għeluq tas-sejħa għall-applikazzjonijiet, tali applikanti jiġu skwalifikati mill-proċess tal-għażla. Barra minn hekk, soġġett għad-disponibbiltà tal-postijiet battala, l-inkarigu tal-assenjament ma jistax jiġi ffirmat qabel ma jiġi riċevut ir-rapport pożittiv tal-ekwivalenza mingħand l-MQRIC. 

8.   Ir-riżultat tal-proċess tal-għażla se jiġi ppubblikat mill-Uffiċċju tad-Deputat Prim Ministru u Ministeru għas-Saħħa  u jkun esebit fuq in-noticeboard tal-Uffiċċju tad-Deputat Prim Ministru u Ministeru għas-Saħħa.

8.1 Petizzjonijiet li joġġezzjonaw għar-riżultat tal-proċess tal-għażla għandhom jaslu għand is-Segretarju Permanenti fi żmien għaxart (10) ijiem ta’ xogħol mid-data tal-pubblikazzjoni tar-riżultat fuq [email protected]