Id-Direttur tal-Protezzjoni Ċivili, Ministeru għall-Intern u s-Sigurtà Nazzjonali jilqa’ applikazzjonijiet għall-post ta’ Assistance and Rescue Officer fil-Forza tad-Dipartiment tal-Protezzjoni Ċivili fil-Ministeru għall-Intern u s-Sigurtà Nazzjonali.

Din il-ħatra hija soġġetta għal perjodu ta’ prova ta’ sitt (6) xhur. Is-salarju ta’ Assistance and Rescue Officer huwa ta’ Skala ta' Salarju 14, €14,928 fis-sena, li jiżdied b’€316.83 fis-sena sa massimu ta’ €16,829. Persuna fil-grad ta’ Assistance and Rescue Officer titla’ fi Skala 13 (€15,955 x €355.50 - €17,968) wara ħames (5) snin servizz fil-grad, jekk tkun qdiet dmirha b’mod sodisfaċenti. Persuna fil-grad t’Assistance and Rescue Officer titla’ fi Skala 12 (€17,026 x €354 - €19,150) wara tlett (3) snin servizz fi Skala 13, dejjem jekk tkun qdiet dmirha b’mod sodisfaċenti. Assistance and Rescue Officers li jaqdu dmirijiet ta’ natura sea-going fuq bażi full-time ikunu intitolati jirċievu sea-going allowance ta’ €559.05 fis-sena, li titnaqqas fuq bażi pro-rata għal kull assenza apparti vacation leave. Minbarra dan, huma jkunu intitolati għal: Meta jkunu fuq sea duty kontinwu għal aktar minn 12-il siegħa iżda għal anqas minn 24 siegħa, €11.65 kull persuna għal kull duty. Meta jkunu fuq sea duty għal aktar minn 24 siegħa, €11.65 għall-ewwel 24 siegħa u €18.64 għal kull perjodu ta’ 24 siegħa suċċessiv, jew parti minnhom. Assistance and Rescue Officers ikunu bil-kundizzjoni għal ġimgħa ta’ xogħol ta’ sitta u erbgħin (46) siegħa fuq shift basis ta’ erbgħa u għoxrin (24) siegħa fuq sebat (7) ijiem (mit-Tnejn sal-Ħadd), jew roster ieħor kif magħżul mid-Direttur tad-Dipartiment tal-Protezzjoni Ċivili. Sigħat maħdumin aktar minn sitta u erbgħin (46) siegħa jitħallsu b’rati ta’ overtime (siegħa-siegħa u nofs), sakemm ma jkunx jista’ jingħata time-off-in-lieu. Assistance and Rescue Officers ikunu kkunsidrati għal appointment f’postijiet iktar għolja fi ħdan id-Dipartiment tal-Protezzjoni Ċivili sakemm jissodisfaw ir-rekwiżiti ta’ eliġibbiltà għal dawn il-postijiet. Dan l-appointment hu fuq bażi full-time u hu suġġett għar-regolamenti li jiggvernaw minn żmien għall-ieħor lis-Servizz Pubbliku in ġenerali, partikolarment lid-Dipartiment tal-Protezzjoni Ċivili, u jinvolvi l-possibilta` ta’ transfer skont l-esiġenzi tas-Servizz Pubbliku.

Dmirijiet

3.  Id-dmirijiet ta’ persuna fil-ħatra t’Assistance and Rescue Officer jinkludu:

1. li tirraporta direttament lil-Leading Assistance and Rescue Officer;
2. tirrispondi għall-sejħiet f’każijiet ta’ nirien jew diżastri/emerġenzi jew każijiet simili li jirrikjedu attenzjoni immedjata;
3. tirrispondi b’mod immedjat f’każijiet ta’ diżastru u tipprovdi assistenza ta’ salvataġġ u għajnuna lill-vittmi;
4. tuża makkinarju u apparat relatat max-xogħol;
5. tassisti lil-Leading Assistance and Rescue Officer waqt spezzjonijiet ta’ fire-proofing;
6. jista’ jkun hemm il-ħtieġa li taħdem fuq il-baħar;
7. kull xogħol ieħor li jista’ jingħata minn żmien għal żmien mid-Direttur tad-Dipartiment tal-Protezzjoni Ċivili u/jew rappreżentant tiegħu;
8. dmirjiet oħra skont l-esiġenzi tas-Servizz Pubbliku skont struzzjonijiet mogħtija mis-Segretarju Permanenti Ewlieni.

Rekwiżiti tal-eliġibbiltà

        Sal-ħin u d-data tal-għeluq ta’ din is-sejħa għall-applikazzjonijiet, l-applikanti għandhom ikunu:

(i)       (a)      ċittadini ta’ Malta; jew

(b)      ċittadini ta’ Stati Membri oħra tal-Unjoni Ewropea li għandhom jedd għal trattament ugwali daqs ċittadini Maltin fi kwistjonijiet ta’ impjieg bis-saħħa ta’ leġislazzjoni tal-UE u dispożizzjonijiet ta’ trattati dwar iċ-ċaqlieq ħieles tal-ħaddiema;     jew

(c)      ċittadini ta’ kwalunkwe pajjiż ieħor li għandhom jedd għal trattament ugwali daqs ċittadini Maltin fi kwistjonijiet ta’ impjieg minħabba li jkunu japplikaw għal dak il-pajjiż leġislazzjoni tal-UE u dispożizzjonijiet ta’ trattati dwar iċ-ċaqlieq ħieles tal-ħaddiema; jew

(d)      kwalunkwe persuni oħra li għandhom jedd għal trattament ugwali daqs ċittadini Maltin fi kwistjonijiet ta’ impjieg permezz tar-relazzjoni familjari tagħhom ma persuni msemmija f’(a), (b) jew (ċ), skont kif hemm fil-liġi jew fil-leġislazzjoni tal-UE u dispożizzjonijiet ta’ trattati msemmija hawn fuq; jew

(e)      ċittadini  ta’ pajjiżi terzi li jkunu ngħataw status ta' residenti li joqogħdu għal żmien twil f’Malta taħt ir-regolament 4 tar-Regolamenti tal-2006 dwar “Status ta’ Residenti li joqogħdu għal Żmien Twil (Ċittadini ta’ Pajjiżi Terzi)”, jew li jkunu ngħataw permess ta' residenza taħt ir-regolament 18 (3) tal-istess regolamenti, flimkien mal-membri tal-familja ta’ ċittadini ta' pajjiż terzi li jkunu ngħataw permess ta’ residenza taħt ir-Regolamenti tal-2007 dwar ir-Rijunifikazzjoni tal-Familji.

Il-parir tad-Dipartiment għall-Affarijiet taċ-Ċittadinanza u Expatriates fi ħdan l-Aġenzija Identity Malta għandu jiġi mfittex skont il-ħtieġa fl-interpretazzjoni tal-provvedimenti imsemmija hawn fuq.

Il-ħatra ta’ kandidati msemmija f’(b), (ċ), (d) u (e) hawn fuq teħtieġ il-ħruġ ta’ liċenzja tax-xogħol f’dawk il-każijiet fejn hija meħtieġa skont l-Att dwar l-Immigrazzjoni u leġiżlazzjoni sussidjarja. Jobsplus għandha tiġi kkonsultata skont il-ħtieġa dwar din il-materja.

(ii)      ikunu profiċjenti fil-lingwa Maltija u dik Ingliża;

(iii)     Preferenza tingħata lil applikanti li jkollhom esperjenza fil-qasam tal-għajnuna u s-salvataġġ kemm mal-Gvern jew ma Organizzazzjonijiet mhux Governattivi;

(iv)     ikunu f’qagħda ta’ saħħa fiżika tajba sabiex ikunu kapaċi  jaqdu d-dmirijiet ta’     Assistance and Rescue Officer.

Ċertifikati ta’ taħriġ f’oqsma relatati mad-doveri ta’ Assistance and Rescue Officer, maħruġa minn Awtoritajiet kompetenti, inkluż id-Dipartiment tal-Protezzjoni Ċivili, jitqiesu b’mod favorevoli.

     Kwalifiki li huma ta’ livell ogħla minn dak rikjest hawn fuq jiġu aċċettati għall-fini ta’ eliġibbilita’, sakemm dawn ikunu fis-suġġetti mitluba.

Dawk il-kandidati li ma jkunux għadhom ġabu l-kwalifiki imsemmija hawn fuq formalment xorta jiġu ikkunsidrati, basta jipprovdu evidenza li ġew appovati għall-għoti tal-kwalifiki imsemmija jew inkella jkunu lestew b’suċċess il-krediti meħtieġa tal-ECTS/ECVETS, jew ekwivalenti, meħuda bħala parti minn programm ta’studju ta’ livell tal-MQF rikonoxxut, kif mitlub fil-kriterji tal-eliġibilita’ ta’ hawn fuq jew ogħla, sal-ħin u d-data tal-għeluq ta’ din is-sejħa ghall-applikazzjonijiet.

    Uffiċjali Pubbliċi li għandhom grad fi klassi partikolari, u li ngħataw il-ħatra ta’ Officer in Scale permezz ta’ deċiżjoni tal-Grievances Unit fl-istess skala ta’ dak ta’ grad ogħla fl-istess klassi, huma eliġibbli li japplikaw għal gradi miftuħa għal uffiċjali li għandhom tali grad ogħla bl-istess skala ta’ dik tal-ħatra ta’ Officer in Scale.

Is-snin ta’ servizz mid-data ta’ meta ġiet effettiva l-ħatra bħala Officer in Scale jgħoddu bħala parti mis-snin ta’ servizz mitluba fis-sejħa t’applikazzjonijiet.

Kwalunkwe kriterju ieħor t’eliġibbilta’ għall-post irid jiġi sodisfatt skont din is-sejħa t’applikazzjonijiet.

     L-applikanti jridu jkunu ta’ kondotta li hi xierqa ghall-post li l-persuna qed tapplika ghaliha (applikanti li diġa’ qegħdin jaħdmu fis-Servizz Pubbliku ta’ Malta jridu jippreżentaw is-Service and Leave Record Form (GP 47); filwaqt li dawk li japplikaw minn barra jridu jippreżentaw Ċertifikat riċenti tal-Kondotta maħruġ mill-Pulizija jew awtorita’ oħra kompetenti mhux aktar minn xahar (1) qabel id-data tal-applikazzjoni, u jindikaw jekk qatt kinux impjegati tal-Gvern qabel u jagħtu d-dettalji).

    Il-kandidati magħżula jridu jkunu eliġibbli għall-ħatra f’dan il-grad,  mhux biss sal-ħin u d-data tal-għeluq ta' din is-sejħa għall-applikazzjonijiet, iżda wkoll fid-data tal-ħatra.

     

     L-applikanti prospettivi għandhom jaraw il-proviżżjonijiet ġenerali marbuta ma’ din is-sejħa għall-applikazzjonijiet fejn jikkonċerna s-sottomissjoni ta’ dikjarazzjoni ta’ rikonoxximent tal-kwalifiki mingħand l-MQRIC, jew awtorita’ pertinenti oħra, kif applikabbli (ara l-link aktar ‘l isfel).

Ministry / Department :	MHAS/ Civil Protection Department
Contact Person :	Mr Emanuel Psaila
Address :	Mqabba Road Ta’ Kandja L/O Siġġiewi
Telephone :	23930000
Email address :	[email protected]