recruitment.gov.mt











Dettalji tax-Xogħol

  • Avatar

    Manager (Projects) "ERDF 02.035 - Connected eGovernment (CONvErGE)"

     Nru. ta' Referenza Gazetta tal- Gvern 20,185


    Pubbliku Ġenerali  

    Definita  

    Amministrattivi u Maniġerjali
    Data ppubblikata: 10/05/2019 15:30
    Data tal-għeluq: 24/05/2019 12:00
    Ministeru: Uffiċċju tal-Prim Ministru
    Dipartiment: Direttorat Strateġija u Implimentazzjoni

Konnessjoni
Ara d-dokument Manager (Projects) (CONvErGE) - Eng 
Ara d-dokument Manager (Projects) (CONvErGE) - MLT 
Is-Segretarju Permanenti (Strateġija u Implimentazzjoni), Uffiċċju tal-Prim Ministru, tilqa’ applikazzjonijiet għall-pożizzjoni ta’ Manager (Projects) għall-proġett “ERDF 02.035 – Connected eGovernment (CONvErGE)” fl-Uffiċċju tal-Prim Ministru.

Is-salarju għall-pożizzjoni ta’ Manager (Projects) huwa ekwivalenti għal Skala ta’ Salarju 7 bħalissa €24,153 fis-sena 2019 li jitla’ b’żidiet fis-sena ta’ € 531.17 sa massimu ta’ €27,340.


Dmirijiet

Id-dmirijiet ta’ Manager (Projects) jinkludu li :

a) Taħdem b’mod effettiv fl-implimentazzjoni tal-proġett CONvErGE mar-regoli applikabbli tal-Unjoni Ewropeja u dawk Nazzjonali ;

b) Taħdem mill-qrib mal-Project Leader u t-timijiet rispettivi responsabbli mill-komponenti partikolari tal-proġett CONvErGE biex jiġu żviluppati pjani ta’ ħidma skont l-applikazzjoni sottomessa u l-ftehim maqbul, li jinkludi iffissar ta’ kompitu, iskadenzi, moniteraġġ u sommarji tat-tmexxija tax-xogħlijiet assenjati ;

c) Tipparteċipa f’kull tip ta’ taħrig neċessarju kif rikjest mill-Project Leader għall-implimentazzjoni b’suċċess tal- proġett/i assenjat/a ; 

d) Tipparteċipa fl-laqgħat kif rikjest/meħtieġ mill-Project Leader tal-proġett CONvErGE

e) Taħdem mill-qrib mal-Project Leader kif ukoll tassisti fl-immaniġjar tal-proġett waqt l-implementazzjoni u kif ukoll waqt l-awditjar ;

f) Tosserva il-proviżjonijiet tal-Manwal ta’ Proċeduri u pubblikazzjoniet oħra pubblikati mill-Awtorità kompetenti mill-fondi tal-proġett, kif ukoll tikkollabora u tirraporta b’mod regolari lil Project Leader fuq l-immaniġjar tal-proġett ; 

g) Tagħmel użu massimu mill-għodod disponibbli biex tiżgura suċċess fl-implimentazzjoni tal-proġett assenjat. Dan jinkludi użu ta’ Structural Funds Database (SFD) kif ukoll għodod oħra teknoloġiċi neċessarji kif meħtieġ;

h) Tipprepara rapporti relatati mal-progress tal-proġett kif mitlub, kif ukoll tipprovdi informazzjoni relevanti, kif mistenni;

i) Taħdem mill-qrib mal-persuni nnominati bħala punt ta’ referenza  kif ukoll taħdem mat-timijiet rispettivi responsabbli mill-implimentazzjoni ta’ kull komponent rispettiv tal-proġett CONvErGE ; 

j) Tikkoordina x-xogħol amministrativ relatat mal-proġett kif ukoll taħdem mal-partijiet konċernati u torganizza laqgħat mal-partijiet koncernati kollha kif meħtieġ u skont struzzjonijiet mogħtija mill-Project Leader ;

k) Tikkoordina attivitajiet u tqassam materjal informattiv li bih tippromwovi l-proġett assenjat kif stabbilit fir-regolamenti  u proċeduri ; 

l)Tagħmel moniteraġġ tal-ispejjeż, il-ħin, u l-kwalità tax-xogħol kif ukoll tara proposti u suġġerimenti għall-implimentazzjoni aħjar biex jiġi assigurat l-aħjar interess tal-proġett ;

m) Tivverifika ix-xogħol kollu mwettaq fuq bażi ta’ invoices sottomessi, tawtorizza l-approvazzjoni ta’ pagamenti u taħdem mill-qrib mal-Project Leader biex dawn il-pagamenti jiġu pproċessati;

n) Tirraporta b’mod regolari kif mitlub mill-Project Leader rigward il-progress tal-proġett CONvErGE, u pagamenti tal-fondi kif ukoll sitwazzjonijiet u riskji li b’xi mod jistgħu jaffettwaw is-suċċess komplett tal-proġett assenjat. 

o) Twettaq dmirijiet oħra skont struzzjonijiet tal-Project Leader jew rappreżentant tiegħu;

p) Twettaq dmirijiet oħra skont l-esiġenzi tas-Servizz Pubbliku skont struzzjonijiet tas-Segretarju Permanenti Ewlieni.

Eliġibbiltà

Sal-ħin u d-data tal-għeluq ta’ din is-sejħa għall-applikazzjonijiet, l-applikanti għandhom ikunu:

(i) (a) ċittadini ta’ Malta; jew

(b) ċittadini ta’ Stati Membri oħra tal-Unjoni Ewropea li għandhom jedd għal trattament ugwali daqs ċittadini Maltin fi kwistjonijiet ta’ impjieg bis-saħħa ta’ leġislazzjoni tal-UE u dispożizzjonijiet ta’ trattati dwar iċ-ċaqlieq ħieles tal-ħaddiema;  jew

(c) ċittadini ta’ kwalunkwe pajjiż ieħor li għandhom jedd għal trattament ugwali daqs ċittadini Maltin fi kwistjonijiet ta’ impjieg minħabba li jkunu japplikaw għal dak il-pajjiż leġislazzjoni tal-UE u dispożizzjonijiet ta’ trattati dwar iċ-ċaqlieq ħieles tal-ħaddiema; jew

(d) kwalunkwe persuni oħra li għandhom jedd għal trattament ugwali daqs ċittadini Maltin fi kwistjonijiet ta’ impjieg permezz tar-relazzjoni familjari tagħhom ma’ persuni msemmija f’(a), (b) jew (ċ), skont kif hemm fil-liġi jew fil-leġislazzjoni tal-UE u dispożizzjonijiet ta’ trattati msemmija hawn fuq; jew

(e) ċittadini ta’ pajjiżi terzi li jkunu ngħataw status ta' residenti li joqogħdu għal żmien twil f’Malta taħt ir-regolament 4 tar-Regolamenti tal-2006 dwar “Status ta’ Residenti li joqogħdu għal Żmien Twil (Ċittadini ta’ Pajjiżi Terzi)”, jew li jkunu ngħataw permess ta' 
residenza taħt ir-regolament 18 (3) tal-istess regolamenti, flimkien mal-membri tal-familja ta’ ċittadini ta' pajjiż terzi li jkunu ngħataw permess ta’ residenza taħt ir-Regolamenti tal-2007 dwar ir-Rijunifikazzjoni tal-Familji.

Il-parir tad-Dipartiment għall-Affarijiet taċ-Ċittadinanza u Expatriates fi ħdan l-Aġenzija Identity Malta għandu jiġi mfittex skont il-ħtieġa fl-interpretazzjoni tal-provvedimenti imsemmija hawn fuq.

Il-ħatra ta’ kandidati msemmija f’(b), (ċ), (d) u (e) hawn fuq teħtieġ il-ħruġ ta’ liċenzja tax-xogħol f’dawk il-każijiet fejn hija meħtieġa skont l-Att dwar l-Immigrazzjoni u leġiżlazzjoni sussidjarja. Jobsplus għandha tiġi kkonsultata skont il-ħtieġa dwar din il-materja.


(ii) ikunu profiċjenti fil-lingwa Maltija u Ingliża;

(iii)          a)         li jkollhom kwalifika Masters rikonoxxuta f’livell 7 tal-MQF (suġġetta għal minimu ta’ 60 ECTS/ECVET krediti, jew ekwivalenti, fir-rigward ta’ programmi li bdew minn Ottubru 2008) fl-Information and Communications Technology jew Management jew Amministrazzjoni jew Amministrazzjoni Pubblika jew Studji Ewropej jew kwalifika professjonali komparabbli u sena (1) esperjenza ta’ xogħol rilevanti;

jew

b)     li jkollhom kwalifika ta’ Baċellerat rikonoxxuta f’livell 6 tal-MQF (suġġetta għal minimu ta’ 180 ECTS/ECVET krediti, jew ekwivalenti, fir-rigward ta’ programmi li bdew minn Ottubru 2003) fl-Information and Communications Technology  jew Management jew Amministrazzjoni jew Amministrazzjoni Pubblika jew Studji Ewropej  jew kwalifika professjonali komparabbli  u tliet (3) snin esperjenza ta’ xogħol rilevanti;

jew

c)    Uffiċjali Pubbliċi fi skala  ta’ Salarju mhux inqas minn Skala 10, lil-ħatra taġħhom fl-iskala msemmija tkun ġiet ikkonfermata, u li jkollhom kwalifika Baċellerat rikonoxxuta fil-livell 6 tal-MQF (suġġetta għal minimu ta’ 180 ECTS/ECVET krediti, jew ekwivalenti fir-rigward ta’ programmi li bdew minn Ottubru tal-2003), fl-Information and Communications Technology jew Management jew Amministrazzjoni  jew Amministrazzjoni Pubblika  jew Studji Ewropej  jew kwalifika professjonali komparabbli; 

jew

d)  ikunu uffiċjali tas-Settur Pubbliku li qed iwettqu dmirijiet fis-Servizz Pubbliku u impjegati tal-RSSL, it-tnejn f’livell ta’ responsabilita’ komparabbli ma’ Skala ta’ Salarju mhux inqas minn Skala 10 fis-Servizz Pubbliku u li l-ħatra tagħhom f’dan il-livell giet ikkonfermata, u li għandhom kwalifika ta’ Baċellerat rikonuxxuta f’ Livell 6 tal-MQF (suġġetta għal minimu ta’ 180 ECTS/ECVET krediti, jew ekwivalenti, fir-rigward ta’ programmi li bdew minn Ottubru 2003) fl-Information and Communications Technology,
jew Management jew Amministrazzjoni jew Amministrazzjoni Pubblika jew Studji Ewropej, jew kwalifika professjonali komparabbli;

jew

e)   Persuni li jokkupaw il-pożizzjoni partikolari fuq bażi personali u li l-ħatra tagħom f’din il-pożżizjoni ġiet ikkonfermata.

Kwalifiki li huma ta’ livell ogħla minn dak rikjest hawn fuq jiġu aċċettati għall-fini ta’ eliġibbilita’, sakemm dawn ikunu fis-suġġetti mitluba. Kwalifika ta’ Masters f’livell 7 ta’ MQF, jew ekwivalenti, għandha tinkludi minimu ta’ 60 ECTS/ECVET krediti, fir-rigward ta’ korsijiet li bdew minn Ottubru 2008.

Dawk il-kandidati li ma jkunux għadhom ġabu l-kwalifiki imsemmija hawn fuq formalment xorta jiġu ikkunsidrati, basta jipprovdu evidenza li ġew approvati għall-għoti tal-kwalifiki imsemmija jew inkella jkun lestew b’suċċess il-krediti meħtieġa tal-ECTS/ECVETS, jew ekwivalenti, meħuda bħala parti minn programm ta’ studju ta’ livell tal-MQF rikonoxxut, kif mitlub fil-kriterji tal-eliġibbilta’ ta’ hawn fuq jew ogħla, sal-ħin u d-data tal-għeluq ta’ din is-sejħa ghall-applikazzjonijiet.

Biex jiġi ddeterminat u ikkumparat il-livell ta’ responsabbilta’ tal-impjegati tas-Settur Pubbliku li bħalissa qed iwettqu dmirijiet fis-Servizz Pubbliku u tal-ħaddiema tal-RSSL mal-livell ta’ responsabbilta’ meħtieġ minn uffiċjali pubbliċi li japplikaw għal din il-pożizzjoni, il-Bord tal-Għażla għandu dejjem u formalment jikkonsulta mad-Direttur/HR Manager responsabbli tal-entita’ rispettiva tas-Settur Pubbliku.

L-arranġament preżenti, fejn ħaddiema tas-Settur Pubbliku li qed iwettqu dmirijiet fis-Servizz Pubbliku jibqgħu fuq il-kotba tal-entita’ rispettiva, jibqa’ japplika, bil-kunsens tal-entita’, f’kas li ħaddiema tas-Settur Pubbliku jintgħażlu għall-pożizzjoni.  Ħaddiema tal-RSSL jibqgħu fuq il-kotba tal-kumpanija.

Fl-eventwalita’ li ħaddiema tal-RSSL jottjenu l-istat indefinit fis-Servizz Pubbliku skont il- L.S. 452.81, l-impieg tagħhom mal-RSSL jiġi tterminat.

Sakemm il-ħaddiema tal-RSSL ma jiħdux l-istat indefinit mas-Servizz Pubbliku wara erba’ snin fil-pożizzjoni skont il-L.S. 452.81, il-persuni maħtura jkunu intitolati jerġgħu lura għall-pożizzjoni li kellhom mal-RSSL bis-salarju li kellhom mal-RSSL.
5.5 L-applikanti jridu jkunu ta’ kondotta li hi xierqa għall-pożizzjoni li l-persuna qed tapplika għaliha (applikanti li diġa’ qegħdin jaħdmu fis-Servizz Pubbliku ta’ Malta jridu jippreżentaw is-Service and Leave Record Form (GP 47); filwaqt li dawk li japplikaw minn barra jridu jippreżentaw Ċertifikat riċenti tal-Kondotta maħruġ mill-Pulizija jew awtorita’ oħra kompetenti mhux aktar minn xahar (1) qabel id-data tal-applikazzjoni, u jindikaw jekk qatt kinux impjegati tal-Gvern qabel u jagħtu d-dettalji).

Il-kandidati magħżula jridu jkunu eliġibbli għall-ħatra f’din il-pożizzjoni, skont 5.1 – 5.5 hawn fuq, mhux biss sal-ħin u d-data tal-għeluq ta' din is-sejħa għall-applikazzjonijiet, iżda wkoll fid-data tal-ħatra.

L-applikanti prospettivi għandhom jaraw il-proviżżjonijiet ġenerali marbuta ma’ din is-sejħa għall-applikazzjonijiet fejn jikkonċerna s-sottomissjoni ta’ dikjarazzjoni ta’ rikonoxximent tal-kwalifiki mingħand l-MQRIC, jew awtorita’ pertinenti oħra, kif applikabbli (ara l-link aktar ‘l isfel).

Il-kwalifiki u l-esperjenza li l-persuna jkollha għandhom jintwerew b’ċertifikati u/jew dokumenti li kopja tagħhom għandha tkun scanned u mibgħuta permezz tar-Recruitment Portal fuq https://recruitment.gov.mt. Dawn id- dokumenti ma jistgħux jiġu sottomessi aktar tard minn jumejn (2) mid-data tal-għeluq tas-sejħa għall-applikazzjonijiet, taħt l-ebda ċirkostanza.

Ministry / Department :

HR Branch, Finance & Administration Directorate, Office of the Prime Minister

Contact Persons :

Maryanne Xuereb, Romina Brincat

Address :

Auberge de Castille, St Paul’s Street, Valletta

Telephone :

2200 1010, 22001016

Email address :

[email protected]


  • Nota

  • F'każ ta' konflitt fl-interpretazzjoni ta' xi parti/jiet mis -sejħa għall-applikazzjonijiet, l-interpretazzjoni finali trid tkun dik tal-verżjoni Maltija tas-sejħa.