1. Is-Segretarju Permanenti, Ministeru għall-Ugwaljanza u d-Drittijiet Ċivili, jilqa’ applikazzjonijiet għall-pożizzjoni ta’ Coordinator (I Belong) fid-Direttorat għad-Drittijiet tal-Bniedem fi ħdan il-Ministeru għall-Ugwaljanza u d-Drittijiet Ċivili.

3.1 Is-salarju marbut mal-pożizzjoni ta’ Coordinator (I Belong) huwa ekwivalenti għal increment inqas mill-massimu ta’ Skala ta’ Salarju 7 (ekwivalenti għal € 34,813.85 fl-2026), li jilħaq il-massimu tal-iskala mal-konferma tal-ħatra jew tlestija ta’ sena (1) servizz fil-pożizzjoni, liema waħda tiġi l-aħħar.

3.2 Persuna magħżula tkun intitolata wkoll għal:

(i) performance bonus sa massimu ta' 10% tas-salarju bażiku tagħha. Ir-rata attwali tiġi stabbilita skont id-diskrezzjoni tas-Segretarju Permanenti.

(ii) disturbance allowance ta' 15% (minflok overtime) tas-salarju rispettiv li jista' f'ċirkostanzi eċċezzjonali u għal perjodi speċifiċi awtorizzati mis-Segretarju Permanenti, jiżdied għal 25%. Dan id-disturbance allowance ma jkunx pagabbli lill-uffiċjali li jkunu qed jaħdmu b'reduced hours.

4. Id-dmirijiet għal din il-pożizzjoni ta’ Coordinator (I Belong) jinsabu fl-Anness A mehmuż ma’ din iċ-Ċirkolari. 

5.1 Sal-ħin u d-data tal-għeluq ta’ din is-sejħa għall-applikazzjonijiet, l-applikanti għandhom ikunu:

Il-ħatra ta’ kandidati msemmija f’(b), (c), (d) u (e) hawn fuq teħtieġ il-ħruġ ta’ liċenzja tax-xogħol f’dawk il-każijiet fejn hija meħtieġa skont l-Att dwar l-Immigrazzjoni u leġiżlazzjoni sussidjarja. Jobsplus għandha tiġi kkonsultata skont il-ħtieġa dwar din il-materja.

U

iii. (a) ikollhom degree ta' Masters rikonoxxuta f'Livell 7 tal-MQF (suġġetta għal minimu ta' 90 krettu ECTS, jew ekwivalenti*) fil-Project Management jew Management Studies jew Studji Ewropej jew Business Administration jew Kreattivita' u Innovazzjoni jew Quality Assurance Management jew Evidence Based Managment jew Edukazzjoni jew Psikoloġija jew Drittijiet tal-Bniedem jew Studji Umanitarji jew Studji dwar Migrazzjoni jew Liġi jew Politika Pubblika jew Antropoloġija jew Arti jew Accountancy jew ikollhom kwalifika rikonoxxuta komparabbli professjonali fil-Livell 7 tal-MQF fl-Accountancy jew f'oqsma rilevanti kif determinat mill-maniġment, flimkien ma' sena (1) esperjenza ta' xogħol rilevanti għall-pożizzjoni;

*Kwalifika ta' Masters rikonoxxuta b'minimu ta' 60 krettu ECTS hija aċċettata biss bil-kundizzjoni li dikjarazzjoni formali ta' rikonoxximent tal-Masters mill-MQRIC tiġi sottomessa mal-applikazzjoni (suġġett għad-dispożizzjonijiet tal-klawsola 5.4 tad-dokument tad-Dispożizzjonijiet Ġenerali). Kwalifika ta' Masters rikonoxxuta mill-Universita' ta' Malta (mogħtija qabel l-2009) b'inqas minn 60 krettu ECTS hija aċċettabbli sakemm ikun ivverifikat mill-MQRIC jew l-Universita' ta' Malta li l-ammont ta' xogħol huwa kumparabbli ma' mill-inqas 60 krettu ECTS.

JEW

(b) ikollhom degree ta' Baċellerat rikonoxxuta f'Livell 6 tal-MQF (suġġetta għal minimu ta' 180 krettu ECTS jew ekwivalenti*) fil-Project Management, jew Management Studies jew Studji Ewropej jew Business Administration jew Kreattivita' u Innovazzjoni jew Quality Assurance Management jew Evidence Based Management jew Edukazzjoni jew Psikoloġija jew Drittijiet Umani jew Studji Umanitarji jew Studji dwar Migrazzjoni jew Liġi jew Politika Pubblika jew Antropoloġija jew Arti jew Accountancy jew ikollhom kwalifika rikonoxxuta komparabbli professjonali fil-Livell 6 tal-MQF fl-Accountancy, jew f'oqsma rilevanti kif determinat mill-maniġment, flimkien ma' tliet (3) snin esperjenza ta' xogħol rilevanti għall-pożizzjoni.

*Kwalifika ta' Baċellerat komparabbli rikonoxxuta, kif applikabbli, hija aċċettata biss suġġett għal dikjarazzjoni formali ta' rikonoxximent mill-MQRIC li tiġi sottomessa mal-applikazzjoni (suġġett għad-dispożizzjoni tal-klawsola 5.4 tad-dokument tad-Dispożizzjonijiet Ġenerali). Kwalifika ta' Baċellerat rikonoxxuta mill-Universita' ta' Malta (mogħtija qabel l-2009) b'inqas minn 180 krettu ECTS hija aċċettabbli sakemm jiġi vverifikat mill-MQRIC jew l-Universita' ta' Malta li l-ammont ta' xogħol huwa kumparabbli mal-minimu ta' 180 krettu ECTS.

JEW

(c) Uffiċjali Pubbliċi fi Skala mhux inqas minn Skala 10, jew impjegati tas-Settur Pubbliku li jwettqu dmirijiet fis-Servizz Pubbliku jew impjegati tal-RSSL, it-tnejn f'livell komparabbli ta' responsabbilta', b'sitt (6) snin esperjenza ta' xogħol rilevanti għall-pożizzjoni.

5.2 (i) Kandidati li għadhom ma kisbux formalment jew għadhom mhux approvati għall-kwalifika rikjesta hekk kif speċifikata fil-paragrafu 5.1 jew kif indikat f’paragrafu 3.1 tad-dispożizzjonijiet ġenerali https://publicservices.gov.mt/en/people/Documents/Recruitment_GenProvs/General%20Provisions_MT.pdf xorta jiġu kkunsidrati,  basta jibagħtu evidenza li jinsabu fl-aħħar fażi tal-kors li jwassal għall-għoti tat-tali kwalifika. Il-persuni maħtura jridu jġibu, jew ġew approvati, għat-tali kwalifika fi żmien sena mid-data tal-ħatra tagħhom.  Jekk l-iskadenza għall-kisba tal-imsemmija kwalifika ma tintlaħaqx, il-ħatra, għal din ir-raġuni, tiġi awtomatikament terminata.

(ii) Aktar minn hekk, kandidati li bħalissa qed isegwu programm ta’ studju rikonoxxut f’livell tal-MQF ogħla minn dak mitlub hawn fuq jiġu kkunsidrati wkoll. Dawn il-kandidati għandhom jissottomettu evidenza li temmew b’suċċess il-kretti meħtieġa tal-ECTS, jew ekwivalenti, u laħqu l-livell tal-MQF meħtieġ, sal-ħin u d-data tal-għeluq tas-sejħa għall-applikazzjonijiet. L-applikanti prospettivi għandhom jinnotaw ir-rekwiżit li jipproduċu dikjarazzjonijiet ta’ rikonoxximent tal-MQRIC fir-rigward tal-kwalifiki tagħhom mill-MQRIC, jew awtorita’ pertinenti oħra, kif applikabbli, skont id-dispożizzjonijiet applikabbli għal din is-sejħa għall-applikazzjonijiet (ara l-ħolqa aktar l’isfel).