Dettalji tax-Xogħol
-
POST TA' SENIOR PUBLIC CLEANSING FOREMAN FIL-MINISTERU GĦAL GĦAWDEX
Nru. ta' Referenza Cirkulari Nru. HR/MG 20/2019
Impjegati tas-Servizz Pubbliku
Indefinita
Tekniċi u Industrijali Data ppubblikata: 20/09/2019 11:00Data tal-għeluq: 04/10/2019 12:00Ministeru: Ministeru għal GħawdexDipartiment: Direttorat ekoGħawdex
| Konnessjoni | |
|---|---|
| Ara d-dokument | English |
| Ara d-dokument | Malti |
Deskrizzjoni qasira tal-post
1. Is-Segretarju Permanenti, Ministeru għal Għawdex jilqa’ applikazzjonijiet għall-post ta’ Senior Public Cleansing Foreman fil-Ministeru għal Għawdex.
Salarju
2.1. Din il-ħatra hija soġġetta għal perjodu ta’ prova ta’ sitt (6) xhur .
2.2. Is-salarju ta’ Senior Public Cleansing Foreman huwa ta’ Skala ta' Salarju 11, li fis-sena 2019 huwa ta’ €18,743 fis-sena, li jiżdied b’€375.17 fis-sena sa massimu ta’ €20,994 .
2.3. Persuna fil-grad ta’ Senior Public Cleansing Foreman titla’ fi Skala 10 (li fis-sena 2019 huwa €19,958 x €407.67 - €22,404 ) wara ħames (5) snin servizz fil-grad, jekk tkun qdiet dmirha b’mod sodisfaċenti.
2.4. Il-persuna nnominata tkun intitolata għall-benefiċċji oħra u soġġetta għall-kundizzjonijiet u obbligi li jkunu mniżlin fi kwalunkwe ftehim rilevanti bejn il-Gvern ta' Malta u l-Unions kompetenti.
Dmirijiet
3. Id-dmirijiet ta’ persuna fil-ħatra ta’ Senior Public Cleansing Foreman fil-Ministeru għal Għawdex jinkludu:
(a) responsabbli għat-tmexxija tas-sezzjoni tiegħu/tagħha;
(b) responsabbli mit-tqassim tal-ħaddiema tiegħu/tagħha bl-aħjar mod possibli;
(c) responsabbli mill-infurzar tal-proċeduri tad-dixxiplina, puntwalita' u saħħa u sigurta' tal-ħaddiema kollha li jaqgħu taħt ir-responsabbilita' tiegħu/tagħha;
(d) tmexxija u mmaniġjar tal-Public Cleansing Foremen, Supervisor u l-ħaddiema kollha taħt ir-responsabbilita' tiegħu/tagħha;
(e) tassisti lis-superjuri u lis-Senior Management tad-Direttorat fid-dmirijiet reletati mat-tindif pubbliku;
(f) responsabbli għall-ħruġ ta' materjal mill-imħażen lill-ħaddiema taħt ir-responsabbilita' tiegħu/tagħha;
(g) ko-ordinament ta' spezzjonijiet regolari fuq lantijiet tax-xogħol sabiex tassigura li xogħolijiet u proġetti assenjati jitlestew fl-iqsar żmien possibli waqt li tiġi assigurata l-aħjar kwalita` ta' xogħol;
(h) ko-ordinament ma' Direttorati u ma' sezzjonijiet oħra fi ħdan il-Ministeru għal Għawdex, kif ukoll ma' Dipartiment u entitajiet oħra tal-gvern;
(i) assistenza fit-tnedija ta' inizjattivi ġodda li jkun hemm bżonn jittieħdu mid-Direttorat jew sezzjonijiet oħra fil-Ministeru għal Għawdex;
(j) tassigura li t-tindif ġenerali u t-tindif tal-bajjiet taħt is-superviżjoni tiegħu/tagħha jsiru skont l-istandards stabbiliti mis-Senior Management;
(k) tagħmel użu minn sistemi tal-informatika kif stabbiliti mil-Ministeru għal Għawdex;
(l) twettaq dmirijiet oħra kif meħtieġa mid-Direttur u/jew rappreżentanti tiegħu/tagħha;
(m) dmirijiet oħra skont l-esiġenzi tas-Servizz Pubbliku, skont struzzjonijiet mogħtija mis-Segretarju Permanenti Ewlieni.
Eliġibbiltà
4.1. Sal-ħin u d-data tal-għeluq ta’ din is-sejħa għall-applikazzjonijiet, l-applikanti għandhom ikunu Uffiċjali Pubbliċi fis-Servizz Pubbliku ta’ Malta jew Uffiċjali Pubbliċi fis-Servizz Pubbliku ta’ Malta li huma mislufin/detailed/deployed /attached ma’ Organizzazzjonijiet fis-Settur Pubbliku li huma fil-grad ta' Public Cleansing Foreman.
4.2. Uffiċjali Pubbliċi li għandhom grad fi klassi partikolari, u li ngħataw il-ħatra ta’ Officer in Scale permezz ta’ deċiżjoni tal-Grievances Unit fl-istess skala ta’ dak ta’ grad ogħla fl-istess klassi, huma eliġibbli li japplikaw għal gradi miftuħa għal uffiċjali li għandhom tali grad ogħla bl-istess skala ta’ dik tal-ħatra ta’ Officer in Scale.
Is-snin ta’ servizz mid-data ta’ meta ġiet effettiva l-ħatra bħala Officer in Scale jgħoddu bħala parti mis-snin ta’ servizz mitluba fis-sejħa t’applikazzjonijiet.
Kwalunkwe kriterju ieħor t’eliġibbilta’ għall-post irid jiġi sodisfatt skont din is-sejħa t’applikazzjonijiet.
4.3. Il-kandidati magħżula jridu jkunu eliġibbli għall-ħatra f’dan il-grad, skont 4.1 - 4.2 hawn fuq, mhux biss sal-ħin u d-data tal-għeluq ta' din is-sejħa għall-applikazzjonijiet, iżda wkoll fid-data tal-ħatra.
4.4. L-applikanti prospettivi għandhom jaraw il-proviżżjonijiet ġenerali marbuta ma’ din is-sejħa għall-applikazzjonijiet fejn jikkonċerna s-sottomissjoni ta’ dikjarazzjoni ta’ rikonoxximent tal-kwalifiki mingħand l-MQRIC, jew awtorita’ pertinenti oħra, kif applikabbli (ara l-link aktar ‘l isfel).
4.5. Uffiċjali Pubbliċi li jgħixu Għawdex iżda li jaħdmu Malta, u li għandhom grad sustantiv bħal ta' din is-sejħa għall-applikazzjonijiet, jistgħu japplikaw lateralment. F'każ li jintagħżlu, dawn l-Uffiċjali Pubbliċi jiġu trasferiti għall-Ministeru għal Għawdex, u jżommu l-grad u s-salarju tagħhom. Huwa kkjarifikat li dawn il-kandidati ma jingħatawx marki addizzjonali fil-proċess tal-għażla għall-pussess ta' kwalifiċi li huma rekwiżiti tal-eliġibilita' skont din is-sejħa għall-applikazzjonijiet.
Dettalji tal-Ministeru / Dipartiment
Ministry : | Ministeru għal Għawdex |
Contact Person : | Isabella Grech |
Address : | Fergħa tar-Riżorsi Umani Direttorat tas-Servizzi Korporattivi Ministeru għal Għawdex Pjazza San Franġisk Rabat Għawdex |
Telephone : | 22100224 |
Email address : |
Nota
- F'każ ta' konflitt fl-interpretazzjoni ta' xi parti/jiet mis -sejħa għall-applikazzjonijiet, l-interpretazzjoni finali trid tkun dik tal-verżjoni Maltija tas-sejħa.