Dettalji tax-Xogħol
-
Assistant Manager (People Management)
Nru. ta' Referenza Government Gazette No 20,114
Pubbliku Ġenerali
Indefinita
Amministrattivi u Maniġerjali Data ppubblikata: 04/01/2019 14:00Data tal-għeluq: 18/01/2019 12:00
| Konnessjoni | |
|---|---|
| Ara d-dokument | Assistant Manager_eng |
| Ara d-dokument | Assistant Manager_mlt |
Deskrizzjoni qasira tal-post
Is-Segretarju Permanenti, (Amministrazzjoni) Ministeru għall-Affarijiet Ewropej u l-Ugwaljanza jilqa’ applikazzjonijiet għall-post ta’ Assistant Manager (People Management) fi’ ħdan id-Direttorat għas-Servizzi Korporattivi fil-Ministeru għall-Affarijiet Ewropej u l-Ugwaljanza.
Salarju
Is-salarju ta’ Assistant Manager (People Management) li jidħol fil-grad bir-rekwiżiti tal-eliġibbilita’ ta paragrafu 4.1 (iii)(b) JEW (iii)(c) huwa ta’ Skala ta' Salarju 12, li fis-sena 2019 hi ta €17,576.00 fis-sena, li jiżdied b’€354.00 fis-sena sa massimu ta’ €19,700.00.
Is-salarju ta’ Assistant Manager (People Management) li jidħol fil-grad bir-rekwiżiti tal-eliġibbilita’ ta paragrafu 4.1 (iii)(a) jitqiegħdu fi Skala ta’ Salarju 11, li fis-sena 2019 hi ta €18,743.00 fis-sena, li jiżdied b’€375.17 fis-sena sa massimu ta’ €20,994.00.
Persuna fil-grad ta’ Assistant Manager (People Management) fi Skala ta' Salarju 12 titla’ fi Skala ta’ Salarju 11, li fis-sena 2019 hi ta’ € 18,743.00 x € 375.17 - € 20,994.00 mal-kisba ta’ Diploma fil-Livell 5 tal-MQF, hekk kif imsemmi f’paragrafu 4.1 (iii)(a).
Assistant Manager (People Management) fi Skala ta’ Salarju 11 tipprogressa fi Skala 10 li fis-sena 2019 hi ta’ €19,958.00 fis-sena, li jiżdied b’€407.67 fis-sena sa massimu ta’ €22,404.00 wara tlett (3) snin servizz sodisfaċenti bħala Assistant Manager (People Management) fi skala ta’ Salarju 11.
Dmirijiet
Id-dmirijiet ta’ persuna fil-ħatra ta’ Assistant Manager (People Management) jinkludu:
a) Jikkontribwixxi għall-implimentazzjoni u l-monitoraġġ ta’ leġiżlazzjoni relatata mar-riżorsi umani, direttivi, regolamenti, policies u standing approvals;
b) Jipparteċipa fl-istadji varji tal-proċess ta’ reklutaġġ u jissapportja bi sħiħ l-implimentazzjoni ta’ Direttivi 9 u 10, fosthom it-tfassil ta’ sejħiet u l-applowdjar u d-dawnlowdjar tad-dokumentazzjoni relevanti mill-portal tar-Reklutaġġ;
c) Jipparteċipa b’mod attiv fil-ħidmiet operazzjonali ta’ kuljum li jagħmlu parti mill-funzjoni tar-riżorsi umani u jservi bħala l-punt ta’ referenza dwar materji relatati;
d) Jassisti fil-proċessi ta’ allowances, f’miżuri biex jgħinu lill-familja u d-drittijiet l-oħrajn kollha tal-impjegati li joħorġu mill-PSMC u l- Manwali li jaqgħu taħt ir-responsabbiltà tar-riżorsi umani;
e) Jiġbor informazzjoni relatata ma’ ċaqliq, drittijiet u attivitajiet fir-rigward ta’ ħruġ ta’ pagi għall-istaff;
f) Jaġġorna l-Personal Record Sheets, il-progressjonijiet, il-promozzjonijiet, ir-rekords ta’ assenza u l-ħruġ ta’ pagi.
g) Jikkompila rapporti perjodiċi, kif ukoll kull informazzjoni oħra skont kif ikun meħtieġ;
h) Jassisti fil-formulazzjoni ta’ manwali, preżentazzjonijiet u xi sottomissjonijiet oħrajn kif ikun meħtieġ;
i) Jikkoordina u jwettaq riċerka kif ikun ordnat jagħmel, kif ukoll li jassisti fil-ġbir/kompilazzjoni u t-tixrid ta’ informazzjoni relatata mar-riżorsi umani;
j) Jagħti għajnuna amministrattiva lill-maniġment anzjan u medju kif jintalab jagħmel;
k) Jara li jissorvelja l-istaff f’ grad inqas fil-ħidmiet operazzjonali minn jum għal jum;
l) Jagħmel kuntatt ma’ stakeholders varji fil-qadi tad-dmirijiet imsemmin hawn fuq kif ikun hemm bżonn;
m) Jidħol għal taħriġ dwar politiki u proċeduri tar-riżorsi umani biex iżomm ruħu aġġornat mal-iżviluppi li jkunu qegħdin iseħħu;
n) Kull dmir ieħor skont kif ikun mitlub mid-Direttur għas-Servizzi Korporattivi u l-maniġment anzjan responsabbli għall-funzjoni tar-riżorsi umani;
o) Iwettaq dmirijiet oħrajn kif ikun mitlub mis-Segretarju Permanenti (Amministrazzjoni), MEAE;
p) Dmirjiet oħra skont l-esiġenzi tas-Servizz Pubbliku skont struzzjonijiet mogħtija mis-Segretarju Permanenti Ewlieni.
Eliġibbiltà
Sal-ħin u d-data tal-għeluq ta’ din is-sejħa għall-applikazzjonijiet, l-applikanti għandhom ikunu:
(i) (a) ċittadini ta’ Malta; jew
(b) ċittadini ta’ Stati Membri oħra tal-Unjoni Ewropea li għandhom jedd għal trattament ugwali daqs ċittadini Maltin fi kwistjonijiet ta’ impjieg bis-saħħa ta’ leġislazzjoni tal-UE u dispożizzjonijiet ta’ trattati dwar iċ-ċaqlieq ħieles tal-ħaddiema; jew
(c) ċittadini ta’ kwalunkwe pajjiż ieħor li għandhom jedd għal trattament ugwali daqs ċittadini Maltin fi kwistjonijiet ta’ impjieg minħabba li jkunu japplikaw għal dak il-pajjiż leġislazzjoni tal-UE u dispożizzjonijiet ta’ trattati dwar iċ-ċaqlieq ħieles tal-ħaddiema; jew
(d) kwalunkwe persuni oħra li għandhom jedd għal trattament ugwali daqs ċittadini Maltin fi kwistjonijiet ta’ impjieg permezz tar-relazzjoni familjari tagħhom ma persuni msemmija f’(a), (b) jew (ċ), skont kif hemm fil-liġi jew fil-leġislazzjoni tal-UE u dispożizzjonijiet ta’ trattati msemmija hawn fuq; jew
(e) ċittadini ta’ pajjiżi terzi li jkunu ngħataw status ta' residenti li joqogħdu għal żmien twil f’Malta taħt ir-regolament 4 tar-Regolamenti tal-2006 dwar “Status ta’ Residenti li joqogħdu għal Żmien Twil (Ċittadini ta’ Pajjiżi Terzi)”, jew li jkunu ngħataw permess ta' residenza taħt ir-regolament 18 (3) tal-istess regolamenti, flimkien mal-membri tal-familja ta’ ċittadini ta' pajjiż terzi li jkunu ngħataw permess ta’ residenza taħt ir-Regolamenti tal-2007 dwar ir-Rijunifikazzjoni tal-Familji.
Il-parir tad-Dipartiment għall-Affarijiet taċ-Ċittadinanza u Expatriates fi ħdan l-Aġenzija Identity Malta għandu jiġi mfittex skont il-ħtieġa fl-interpretazzjoni tal-provvedimenti imsemmija hawn fuq.
Il-ħatra ta’ kandidati msemmija f’(b), (ċ), (d) u (e) hawn fuq teħtieġ il-ħruġ ta’ liċenzja tax-xogħol f’dawk il-każijiet fejn hija meħtieġa skont l-Att dwar l-Immigrazzjoni u leġiżlazzjoni sussidjarja. Jobsplus għandha tiġi kkonsultata skont il-ħtieġa dwar din il-materja.
(ii) ikunu profiċjenti fil-Malti kif ukoll fl-Ingliż;
(iii) (a) fil-pussess ta’ kwalifika rikonoxxuta fil-Livell 5 tal-MQF (suġġett għal minimu ta’ 60 krettu ECTS/ECVET, jew ekwivalenti, fir-rigward ta’ programmi li bdew minn Ottubru 2003) fil-Work & Human Resources Management, Psikoloġija, Taħriġ u Żvilupp, Public Policy, Public Administration, Public Management jew kwalifika komparabbli.
JEW
(b) fil-pussess ta’ diploma rikonoxxuta (Livell 4 tal-MQF) fil-Work & Human Resources Management, Psikoloġija, Taħriġ u Żvilupp, Public Policy, Public Administration, Public Management jew kwalifika professjonali komparabbli.
JEW
(c) fil-pussess ta’ żewġ (2) suġġetti fil-Livell Avvanzat flimkien ma’ tliet (3) suġġetti fil-Livell Intermedjarju li jridu jinkludu l-Psikoloġija jew is-Soċjoloġija.
Kwalifiki li huma ta’ livell ogħla minn dak rikjest hawn fuq jiġu aċċettati għall-fini ta’ eliġibbilita’, sakemm dawn ikunu fis-suġġetti mitluba.
Dawk il-kandidati li ma jkunux għadhom ġabu l-kwalifiki imsemmija hawn fuq formalment xorta jiġu ikkunsidrati, basta jipprovdu evidenza li ġew appovati għall-għoti tal-kwalifiki imsemmija jew inkella jkunu lestew b’suċċess il-krediti meħtieġa tal-ECTS/ECVETS, jew ekwivalenti, meħuda bħala parti minn programm ta’studju ta’ livell ogħla tal-MQF rikonoxxut, kif mitlub fil-kriterji tal-eliġibilita’ ta’ hawn fuq, sal-ħin u d-data tal-għeluq ta’ din is-sejħa ghall-applikazzjonijiet.
L-applikanti jridu jkunu ta’ kondotta li hi xierqa għall-post li l-persuna qed tapplika għaliha (applikanti li diġa’ qegħdin jaħdmu fis-Servizz Pubbliku ta’ Malta jridu jippreżentaw is-Service and Leave Record Form (GP 47); filwaqt li dawk li japplikaw minn barra jridu jippreżentaw Ċertifikat riċenti tal-Kondotta maħruġ mill-Pulizija jew awtorita’ oħra kompetenti mhux aktar minn xahar (1) qabel id-data tal-applikazzjoni, u jindikaw jekk qatt kinux impjegati tal-Gvern qabel u jagħtu d-dettalji).
Il-kandidati magħżula jridu jkunu eliġibbli għall-ħatra f’dan il-grad, skont 4.1 - 4.3 hawn fuq, mhux biss sal-ħin u d-data tal-għeluq ta' din is-sejħa għall-applikazzjonijiet, iżda wkoll fid-data tal-ħatra.
L-applikanti prospettivi għandhom jaraw il-proviżżjonijiet ġenerali marbuta ma’ din is-sejħa għall-applikazzjonijiet fejn jikkonċerna s-sottomissjoni ta’ dikjarazzjoni ta’ rikonoxximent tal-kwalifiki mingħand l-MQRIC, jew awtorita’ pertinenti oħra, kif applikabbli (ara l-link aktar ‘l isfel).
Dettalji tal-Ministeru / Dipartiment
Ministry / Department : | Ministry for European Affairs and Equality |
Contact Person : | Madion Dingli Scicluna |
Address : | 31B Tal-Pilar, Marsamxett Road, Valletta |
Telephone : | 22957722 |
Email address : |
Nota
- F'każ ta' konflitt fl-interpretazzjoni ta' xi parti/jiet mis -sejħa għall-applikazzjonijiet, l-interpretazzjoni finali trid tkun dik tal-verżjoni Maltija tas-sejħa.