Dettalji tax-Xogħol
-
Fire Team Officer
Nru. ta' Referenza Gazetta tal-Gvern datata' 17 ta' April 2026.
Pubbliku Ġenerali
Indefinita
Oħrajn Data ppubblikata: 17/04/2026 11:00Data tal-għeluq: 04/05/2026 17:15
| Konnessjoni | |
|---|---|
| Ara d-dokument | English |
| Ara d-dokument | Malti |
| Ara d-dokument | Annex A |
Deskrizzjoni qasira tal-post
1. Id-Direttur Ġenerali (People Management), Ministeru għas-Saħħa u Anzjanita' Attiva tilqa’ applikazzjonijiet għall-pożizzjoni ta’ Fire Team Officer fl-iSptar Ġenerali ta' Għawdex (GGH) fil-Ministeru għas-Saħħa u Anzjanita' Attiva.
Salarju
2.1 Il-Kandidat magħżul jinħatar fil-pożizzjoni ta’ Fire Team Officer fil-Ministeru għas-Saħħa u Anzjanità Attiva.
2.2 Il-pożizzjoni ta' Fire Team Officer hija soġġetta għal perjodu ta' prova ta' sitt (6) xhur.
2.3 Is-Salarju marbut mal-pożizzjoni ta' Fire Team Officer huwa Skala tas-Salarju 12 li fis-sena 2026 huwa ekwivalenti għal €23,816.00 fis-sena, li jiżdied b'żidiet annwali ta' €354 sa massimu ta' €25,940.00.
2.4 Fire Team Officers li jlestu b'suċċess ċertifikazzjoni VET tal-Livell 5 tal-MQF relatata mad-dmirijiet ta' Fire Team Officer kif rikonoxxuti mill-Maniġment minn żmien għal żmien għandhom javvanzaw għal Skala 11 li fis-sena 2026 hija ekwivalenti għal €25,435.00 fis-sena, li jiżdied b'żidiet annwali ta' €375.17 sa massimu ta' €27,686.02.
2.5 Fire Team Officer għandhom jibbenefikaw minn allowance annwali li tinkludi kollox ta’ tlett elef ewro (€3,000) fis-sena 2026.
2.6 L-applikanti magħżula huma obbligati li jżommu l-kundizzjoni fiżika tagħhom biex iwettqu l-firxa ta’ dmirijiet marbuta ma’ din il-pożizzjoni. Il-maniġment jista’ jwettaq testijiet fiżiċi kif meħtieġ.
2.7 Matul il-perjodu ta’ prova, it-taħriġ irid jitlesta b’suċċess. Il-fażijiet differenti tat-taħriġ inkluż taħriġ intern, taħriġ bażiku u avvanzat organizzat mid-Dipartiment tal-Protezzjoni Ċivili u kwalunkwe taħriġ ieħor kif stipulat mill-Ministeru jridu jitlestew b’suċċess biex jiġu kkonfermati fil-pożizzjoni.
2.9 Fir-rigward tar-rekwiżiti li joħorġu mid-Direttiva 16, dwar il-‘Qafas Governattiv għall-Prevenzjoni u l-Ġestjoni ta’ Kunflitti ta’ Interess fl-Amministrazzjoni Pubblika’, maħruġ mis-Segretarju Permanenti Ewlieni fis-27 ta’ Novembru 2023 u li daħal fi-seħħ fl-1 ta’ Frar 2024, il-Bord tal-Għażla se jivvaluta l-impjiegi preċedenti tal-kandidati biex jevalwa l-kunflitti ta’ interess potenzjali. F’dan ir-rigward, il-kandidati għandhom jipprovdu CV kompletament aġġornat, inkluż il-kwalifiki u l-istorja tal-impjieg mal-applikazzjoni tagħhom. Kwalunkwe kwistjoni ta’ kunflitt ta’ interess potenzjali nnutata għandha tiġi rrappurtata lis-Segretarju Permanenti rispettiv biex jiġi żgurat li, jekk il-kandidat jiġi reklutat, tali kunflitti ta’ interess ikunu mmaniġġjati b’mod xieraq.
Barra minn hekk, il-kandidati magħżula għandhom jirrappurtaw kwalunke kunflitt ta’ interess magħruf, attwali, potenzjali jew apparenti qabel ma jaċċettaw ħatra, permezz tad-Dikjarazzjoni preskritta disponibbli fl-Appendiċi 1 tad-Direttiva 16 (disponibbli hawn).
Dmirijiet
3. Id-dmirijiet għal din il-Pożizzjoni ta’ Fire Team Officer jinsabu fl-Anness A mehmuż ma’ din iċ-Ċirkolari.
Eliġibbiltà
4.1 Sal-ħin u d-data tal-għeluq ta’ din is-sejħa għall-applikazzjonijiet, l-applikanti għandhom ikunu
- ċittadini ta’ Malta; jew
- ċittadini ta’ Stati Membri oħra tal-Unjoni Ewropea li għandhom jedd għal trattament ugwali daqs ċittadini Maltin fi kwistjonijiet ta’ impjieg bis-saħħa ta’ leġiżlazzjoni tal-UE u dispożizzjonijiet ta’ trattati dwar iċ-ċaqliq ħieles tal-ħaddiema; jew
- ċittadini ta’ kwalunkwe pajjiż ieħor li għandhom jedd għal trattament ugwali daqs ċittadini Maltin fi kwistjonijiet ta’ impjieg minħabba li jkunu japplikaw għal dak il-pajjiż leġislazzjoni tal-UE u dispożizzjonijiet ta’ trattati dwar iċ-ċaqlieq ħieles tal-ħaddiema; jew
- kwalunkwe persuni oħra li għandhom jedd għal trattament ugwali daqs ċittadini Maltin fi kwistjonijiet ta’ impjieg permezz tar-relazzjoni familjari tagħhom ma' persuni msemmija f’(a), (b) jew (c), skont kif hemm fil-liġi jew fil-leġislazzjoni tal-UE u dispożizzjonijiet ta’ trattati msemmija hawn fuq; jew
- ċittadini ta’ pajjiżi terzi li jkunu ngħataw status ta' residenti li joqogħdu għal żmien twil f’Malta taħt ir-regolament 4 tar-Regolamenti tal-2006 dwar “Status ta’ Residenti li joqogħdu għal Żmien Twil (Ċittadini ta’ Pajjiżi Terzi)”, jew li jkunu ngħataw permess ta' residenza taħt ir-regolament 18(3) tal-istess regolamenti, flimkien mal-membri tal-familja ta’ ċittadini ta' pajjiżi terzi li jkunu ngħataw permess ta’ residenza taħt ir-Regolamenti tal-2007 dwar ir-Riunifikazzjoni tal-Familji; jew
- Fil-pussess ta’ dokument tar-residenza maħruġ skont id-dokument ‘Status ta’ Residenza ta’ Ċittadini tar-Renju Unit u l-Membri tal-Familja tagħhom f’Malta skont il-Ftehim dwar l-Irtirar tar-Renju Unit u l-Irlanda ta’ Fuq mill-Unjoni Ewropea u r-Regolamenti tal-Komunità Ewropea dwar l-Enerġija Atomika.’
Għandu jintalab il-parir tat-Taqsima taċ-Ċittadinanza fi ħdan l-Aġenzija Komunita` Malta u tat-Taqsima tal-Espatrijati fi ħdan Identita` skont il-ħtieġa fl-interpretazzjoni tad-dispożizzjonijiet imsemmija hawn fuq.
Il-ħatra ta’ kandidati msemmija f’(b), (c), (d) u (e) hawn fuq teħtieġ il-ħruġ ta’ liċenzja tax-xogħol f’dawk il-każijiet fejn hija meħtieġa skont l-Att dwar l-Immigrazzjoni u leġiżlazzjoni sussidjarja. Jobsplus għandha tiġi kkonsultata skont il-ħtieġa dwar din il-materja.
ii: kapaċi jikkomunika bil-Lingwa Maltija u Ingliża sabiex iwettaq id-dmirijiet b'mod suffiċjenti u adegwat
U
iii: Minimu ta' sena (1) esperjenza ppruvata u rilevanti fil-qasam
U
iv: Fil-pussess ta' Fire Fighting and Prevention Certificate
JEW
v: Fil-pussess ta' Fire Team Member Certificate
Uffiċjali pubbliċi li japplikaw għal dan il-post iridu jkunu kkonfermati fil-ħatra attwali tagħhom, sakemm il-ħatra attwali ma tkunx fi klassi/linja ta’ karriera differenti jew f’pożizzjoni definita, iżda jistgħu japplikaw għal grad/pożizzjoni inqas anki jekk mhux ikkonfermati u irrispettivament jekk hux fl-istess linja ta’ karriera jew le. Riverżjoni għal ħatra preċedenti mhux ikkonfermata mhijiex possibbli.
4.2 Kandidati li bħalissa qed isegwu programm ta’ studju rikonoxxut f’livell tal-MQF ogħla minn dak mitlub hawn fuq jiġu kkunsidrati wkoll. Dawn il-kandidati għandhom jissottomettu evidenza li temmew b’suċċess il-kretti meħtieġa tal-ECTS, jew ekwivalenti, u laħqu l-livell tal-MQF meħtieġ, sal-ħin u d-data tal-għeluq tas-sejħa għall-applikazzjonijiet. L-applikanti prospettivi għandhom jinnotaw ir-rekwiżit li jipproduċu dikjarazzjonijiet ta’ rikonoxximent tal-MQRIC fir-rigward tal-kwalifiki tagħhom mill-MQRIC, jew awtorita’ pertinenti oħra, kif applikabbli, skont id-dispożizzjonijiet applikabbli għal din is-sejħa għall-applikazzjonijiet (ara l-ħolqa aktar l’isfel).
4.3. Uffiċjali Pubbliċi li għandhom grad fi klassi partikolari, u li ngħataw il-ħatra ta’ Officer in Scale permezz ta’ deċiżjoni tal-Grievances Unit fl-istess skala ta’ dak ta’ grad ogħla fl-istess klassi, huma eliġibbli li japplikaw għal gradi miftuħa għal uffiċjali li għandhom tali grad ogħla bl-istess skala ta’ dik tal-ħatra ta’ Officer in Scale.
Is-snin ta’ servizz mid-data ta’ meta ġiet effettiva l-ħatra bħala Officer in Scale jgħoddu bħala parti mis-snin ta’ servizz mitluba fis-sejħa t’applikazzjonijiet.
Kwalunkwe kriterju ieħor t’eliġibbilta’ għall-post irid jiġi sodisfatt skont din is-sejħa t’applikazzjonijiet.
4.4 Uffiċjali pubbliċi li bħalissa għandhom ħatra bħala Uffiċjal fil-Grad huma kkunsidrati fuq bażi personali li jappartjenu għall-Klassi/Stream tal-grad sostantiv immedjatament preċedenti tagħhom, u jistgħu japplikaw fuq il-bażi tal-iskala kurrenti tagħhom bħala Uffiċjal fil-Grad, li għandha tkun ekwivalenti għal, jew ogħla minn, il-livell ta’ eliġibbilta’ meħtieġ minn din is-sejħa għall-applikazzjonijiet.
Is-snin ta’ servizz mid-data effettiva tal-ħatra bħala uffiċjal fil-Grad huma kkalkulati għall-iskop li jissodisfaw is-snin meħtieġa ta’ ‘servizz fil-grad’ kif stipulat fis-sejħiet għall-applikazzjonijiet.
Kwalunke rekwiżit ieħor ta’ eliġibbiltà għall-post/pożizzjoni għandu jintlaħaq f’termini ta’ din is-sejħa għall-applikazzjonijiet.
Is-snin ta’ servizz mid-data effettiva tal-ħatra bħala uffiċjal fil-Grad huma kkalkulati għall-iskop li jissodisfaw is-snin meħtieġa ta’ ‘servizz fil-grad’ kif stipulat fis-sejħiet għall-applikazzjonijiet.
Kwalunke rekwiżit ieħor ta’ eliġibbiltà għall-post/pożizzjoni għandu jintlaħaq f’termini ta’ din is-sejħa għall-applikazzjonijiet.
4.5 Uffiċjali pubbliċi li huma normalment residenti f’Għawdex iżda li bħalissa jaħdmu f’Malta, u li għandhom listess grad sostantiv bħal dak li qed jiġi reklamat, jistgħu japplikaw lateralment. Jekk jintgħażlu, dawn l-uffiċjali pubbliċi jiġu assenjati b’mod permanenti biex jaħdmu f’Għawdex bil-grad rispettiv, id-dritt tas-salarju, u l-punt tassalarju tagħhom, inkluż id-dritt għal żidiet, kwalunkwe progressjoni u promozzjoni marbuta mal-post. Huwa ċċarat li dawn il-kandidati mhux se jingħataw marki addizzjonali fil-proċess tal-għażla għall-pussess ta’ kwalunkwe kwalifiki li huma rekwiżit ta’ eliġibbiltà kif iddikjarat f’din is-sejħa għall-applikazzjoni.
4.6 Din is-sejħa pubblika qed tiġi ppublikata fl-istess waqt ma' sejħa għas-servizz kollu għall-Pożizzjoni ta' FIre Team Officer fl-Isptar Ġenerali ta' Għawdex (GGH) fi ħdan il-Ministeru għas-Saħħa u l-Anzjanità Attiva ta' nhar il-Ġimgħa 17 ta’ April 2026 permezz taċ- ċirkulari numru HR/MHA/31/2026. Applikanti li jgħaddu taħt is-sejħa għas-servizz kollu jingħataw preċedenza fuq dawk li jgħaddu taħt is-sejħa pubblika. Barra minn hekk, persuna tista' tiġi kkunsidrata għallħatra biss jekk ikun hemm post vakanti fi żmien tal-validita' tar-riżultat.
4.6 Din is-sejħa pubblika qed tiġi ppublikata fl-istess waqt ma' sejħa għas-servizz kollu għall-Pożizzjoni ta' FIre Team Officer fl-Isptar Ġenerali ta' Għawdex (GGH) fi ħdan il-Ministeru għas-Saħħa u l-Anzjanità Attiva ta' nhar il-Ġimgħa 17 ta’ April 2026 permezz taċ- ċirkulari numru HR/MHA/31/2026. Applikanti li jgħaddu taħt is-sejħa għas-servizz kollu jingħataw preċedenza fuq dawk li jgħaddu taħt is-sejħa pubblika. Barra minn hekk, persuna tista' tiġi kkunsidrata għallħatra biss jekk ikun hemm post vakanti fi żmien tal-validita' tar-riżultat.
Dettalji tal-Ministeru / Dipartiment
Ministry / Department : | Ministeru għas-Saħħa u Anzjanità Attiva |
Contact Persons : | Ms. Maureen Mahoney (Direttur Ġenerali, People Management) |
Address : | 15, Palazzo Castellania, Triq Merkanti, Valletta VLT1171 |
Telephone : | +356 2299 2604 |
Email address : | [email protected] |
Nota
- F'każ ta' konflitt fl-interpretazzjoni ta' xi parti/jiet mis -sejħa għall-applikazzjonijiet, l-interpretazzjoni finali trid tkun dik tal-verżjoni Maltija tas-sejħa.